دايما بيبدأ الكلام ب- هاي
ف ترد عليه – هاي
يقولها – ممكن اتعرف عليكي؟
تقوله – سها مثلا
ف يقولها – تامر
منين ؟ منين؟ كام سنة ؟ كام سنة
ويبدأ من هنا الكلام
وشوية بشوية
يكتر الكلام مابنكوا
تنتظر معاد مقابلتكوا الجاية ع النت عشان تقعد تكلم معاها
وتقعد تكلم معاك ، يكتر الكلام ..تعرف تفاصيل اكتر عنها وتعرف تفاصيل زيادة عنك
فيه ناس ممكن تبدأ الكلام بكدب .تقول أي اسم وأي سن وأي شكل
لأنها كانت واخدة الموضوع مش جد م الأول ..ومكانتش فاكرة ان الموضوع ممكن يتقلب لحاجة جد
وفيه ناس بتبقا واضحة وصريحة م بداية للنهاية .. هتخبي ليه وهتكدب ليه !!.؟
لما الموضوع يتقلب جد بترجع وتقول الحقيقة
نرجع لمرجوعنا ..لما يكتر الكلام مابنهم ويتقابلوا كل يوم ع النت ،كل واحد يحس انه اتعلق بالتاني ون خد عليه وخد علي انه يكلم معاه كل يوم ،وتطور العلاقة من مجرد شات ونت ،لأنه يقولها – انا حاسس اني معجب بيكي .ممكن تصدقه لأنها عايزة تصدقه وممكن تكون هي كمان حسه بكدة
وفيه اللي بيستغرب موضوع كله وتشك فيه وتقوله – قولت كلام دة لكام واحدة قبلي!!
يقولها طبعا لو كان بيكدب –هتصدقي لو قولتلك انك اول واحدة اقولها كلمة دي
انا قولتها كتير قبل كدة بس عشان اتسلي لكن انتي !!
ويمكن يكون بيكلم جد وتكون اول واحدة يقولها كدة ..وتحس انها لازم تتعرف عليه اكتر
وهو يحس انه نفسه يسمع ولو مرة صوتها
ف يقولها -ممكن أخد تليفونك ؟ او هي اللي تقوله أو تلمحله انها عايزة تكلمه
فيه ناس بترفض ف الأول وناس بترفض علي طول وناس بتقبل علي طول
كل علي حسب شخصيته وشخصية اللي قدامه ..المهم انهم بيتبادلوا التليفونات ف نهاية
ومن كلام النت تبدأ اول مكالمة تليفون مابنهم
انطباع النت مختلف كتير عن انطباع اللي ممكن تاخده ف مكالمة التليفون
وممكن تتطور علاقه الصحوبية دي لعلاقة حب بسبب مكالمة تليفون دي
لأن التليفون احساسه اقوي واقرب لأنه بيديلك احساسي وهمي انه قريب منك اوي
والودن عند البنت أقرب طريق لقلبها ..زي م الأكل اسهل طريق لقلب الراجل
لأنها هي دي القاعدة ف قانون الحب .نكمل؟.
يجيلها اتصال من رقمه لأول مرة - تقعد تفكر أرد ولأ مردش مش عارفه –
المهم يبدأ اول كلام ف تليفون شعور لو كان حد ارتاحتله ع النت وحسيت انك خدت عليه اوي
هتكون مبسوط وسعيد ومكسوف ودايما الانطباع اول مكالمة تليفون هو اللي بيدوم
ف تقول هي – ألو ؟ -يقولها – ألو ..ازيك ؟ -تقوله – الحمدلله ؟انت عامل ايه؟
يقولها – تعرفي ان صوتك ع موبايل حلو , كنت عارف انو هيبقا حلو
تقوله – ازاي يعني ؟- يقولها معرفش كنت حسه ...احساس
كالعادة تقوله – علي كدة بقا كل أما تكلم واحده ع نت تاخد رقمها وتكلمها صح!!؟
يقولها – تصدقيني لو قولتلك ان دي اول مرة ...تقوله بعد ان خدت ع كلام معاه – يا سلاااااام
يقولها – يضحك آه والله العظيم بجد .ساعتها ممكن يكون بيكلم جد وممكن يكون بيكدب
المهم يزيد الكلام ..مرة هي تكلمه ومرات هو يكلمهاا
والعكس ..ساعات ولاد كتير دلوقتي لما يعلق بنت يسبها هي اللي تكلم
وهي اللي تصرف وهي الـ....ويتعلق بيها اكتر وتتعلق بيه اكتر والدقيقة ع التليفون تتحول لساعة وساعتين وممكن الكلام يبقا له حدود وكتير اوي مبيبقاش له أي حدودد
وتفاصيل مابنهم تكتر ..هو يعرف اصحابها وأهلها من خلالها وهي تعرف تفاصيل حياته من خلاله
هو بيقول انه كذا وكذا وهي بتقول كذا وكذا ...كل دة ومحدش شاف التاني لايف
ممكن يكون شافوا بعض ف صورة وممكن لأ
ممكن يكونوا شافوا بعض كاميرا وممكن لأ
وممكن يكونوا مشافوش بعض خالص وهو مجرد وصف بيوصفه لنفسه
وهي مجرد وصف بتوصفه لنفسهااا ...كل دة ومحدش متأكد م اللي بيتقال للتاني إذا كان صدق ام كدب
ولما ييجي الوقت والظروف اللي تخليهم يتقابلوا ف حقيقه
ممكن بعد يوم من كلام ع النت ،او بعد ساعة من كلام ع موبايل ،أو بعد سنة من معرفة الشات
بيتقابلوا وممكن ميتقابلوش خالص وتكتفي العلاقة مجرد ..حب نت وشات وموبايل
بس بييجي عليهم يوم ويتقابلوا .بعد يوم ...شهر ..سنه بيتقابلوا ، فيه ناس بتتصدم لأنها بتكتشف حد تاني خالص غير اللي هي عرفته ولسبب بسيط جدا مش بس عشان ان حد ممكن يكون مقالش الحقيقة للتاني ...قال غني ويطلع ف الآخر حد بيتسنكح ع البنات ..قالت جميلة وهي يدوبك مقبوله ..قال محترم يقوم يطلع ف الآخر صايع
مش بس عشان كدة لا كمان لأنه مهما قال عن نفسه او قالت عن نفسها الحقيقة هتكون مختلفة عما قالوه حتي ولو كانوا صادقين جدا ..ومحدش بيعمل حساب ان القبول سبب مهم اوي لاستمرار الحب ..والقبول دة ملوش دعوة بالحلاوة والجمال ..ممكن تكون حلوة اوي بس انت مش قابلها وممكن يطلع ولد شيك جدا وابن ناس بس انتي تخيلتي صورة تانية خالص ..
الصورة اللي بنرسمها ف خيالنا لحد قابلناه ع نت او ف كاميرا او موبايل مبتبقاش حقيقية زي اما تشوفه ف الواقع كدة عيني عينك ..ودة اللي بيعمل مشكله لناس كتيرة لأنك بتقعد تحب وتحب وتحب ف حد لسه مشوفتهوش ف بترسم جواك صورة له ونت مش عامل حساب للقبول اللي بكلم عنه .
بس فيه ناس تانية ممكن تلاقيه زي ماتخيلته ويمكن احسن وتتعلق بيه اكتر وحبهم يزيد
بس هيبقابلوا مشكلة تانية ..ازاي يواجهوا الحب دة سوا قدام الناس وقدام اهلهم ..ياتري حد هيقًدر الحب دة ..حد هيقتنع !؟ الأب هيوافق !؟ الأم هتقبل ؟
ولو حاولوا يخرجوا م المشكلة دي بمشكلة اكبر مثلا زي انهم ممكن يأما يكدبوا علي أهلهم وأهو كأنهم اتقابلوا ف أي حتة تانية أو عرفها من عن طريق شغل مثلا ..أو وهي رايحة جامعه او عن طريق بنت صحبتها أو قريبهاا !!
وتبقا كدبة وسلام ..بس اللي ميعرفهوش ان الكدبة دي ممكن تبقا أكبر مشكلة ف حياتهم لو الأب عرف أو الأم عرفت .. ولو هما نفسهم الولد والبنت قدروا يكدبوا ع ناس كلها ..ازاي هيكدبوا علي نفسهم ..ياتري هيوافقوا ان يكون ارتباطهم جاي بكدبة حتي ولو كانت كدبة بيضاا
دة غير انه ممكن يدخلهم الشك ف نفسهم
هو ممكن يشك ؟
وهي ممكن تشك اكتر في كل اللي ممكن يكلمهم ع نت بعدها
وتزيد المشاكل ويقل الحب
كل الحاجات دي ممكن تحصل ف الحب دة ياتري اللي احنا فيه دة صح ؟ ياتري الحب دة غلط ؟
-انا مش عارف إذا كان دة حب ولأ لأ
-انا اتعلقت بها بسرعه وهي كمان اتعلقت بيا أوي ..بس انا مشوفتهاش ولا هي شافتني اعمل ايه؟
-
حبيته رغم هو ف بلد ونا ف بلد تانية بعيدة خالص..ياتري اللي حصل دة اسمه ايه!!؟
عايزه اجابه
اميرة الحب
