لــيــك واســــطــــه.........

زائر

ليك واسطة هاتخلض

مش ليك هَوِّينا

لِم الورق وإمشى

زهقتوا أهالينا

لو ليك فى يوم واسطة

مش محتاجين دمغات

ولا أى إمضاءات

يخلص أوام ورقك

فى ثوانى مش فى ساعات

لا نقولك عدى بكره

ولا خِتم مش باين

ولا لجنة مِتشَكِلة

مِن بُكره هاتعاين

تِلقى فى غمضة عين

الصعب بَأه هاين

تاخُد تحياتَك

وسلامنا وإحترامات

ولا حَد يِزغُرلَك

ولا شخط ولا طلبات

ولا دُرج مفتوح لك

يستَقبِل العَشرات

مطلوب كارت صُغَيَّر

مع إمضا بَسْ عليه

ساعِتها هاتعدى

وتنولها يابن الإيه

تاخد عنينا معاك

وسلامنا لِفُلان بيه