عشان تقدر تكسب قلب بنت
لازم تعرف هما بيفكروا ف ايه وبيفكروا ازاي !!
لأن مش كل حاجة تقدر تتقال لأي بنت
ومفيش بنت زي التانية
دي رومانسية
ودي شقية
ودي لمضة
ودي عندية
ودي لبسانها طويل
ودي مينفعش تكلم معاها إلا لما تحسب حساب كل كلمة بتقولها
دي هادية ودي شعنونة
ودي محترمة
وللأسف دي نص نص
ودي لأ خالص
دي بلدي ..ودي شيك
ودي م المهندسين ودي من بولاق
دي سنها صغير ودي ست بجد
كل حاجة من دي ليها مدخل وكل واحدة ليها اسلوب
وكل بنت مفتاح
وكل واحد فينا له مفتاح
وعشان تدخل قلبها وتكسبها لازم تدور ع المفتاح
ولازم تتعب ونت بتدور
مدمت بتحبها
ف لازم تتعب شوية
وعلي رأي واحدة قالتلي ف مرة ,لازم قلبك يوجعك عشان تحس
أنا مش بكلم هنا عن ازاي تخدع كل واحدة من دول ,
لأ بالعكس انا قصدي ان لو صادفت ووقعت ف حب أي واحدة ونفسك تحافظ علي حبك دة معاها وعلي حبها ليك ,نفسك تكسبها لقلبك وتكسب قلبها بس احيانا تصرفاتها واسلوب حياتها مش ماشي معاك ,
لأنك مش فاهمها ولا هي فهماك
مش لاقين مفاتيح لبعض تدخلوا لبعض منه
فيه ناس بتلقي المفاتيح دي وفي ناس لأ
فيه ناس بتحاول وتفشل والموضوع تكون نهايته .....الانفصال
وفيه ناس بتحاول وتجتهد وتنجح
بس انا هكلم عشان اللي بتفشل علاقته بحبيبته لمجرد انها مختلفة عنه وهو مختلف عنها ...
أو هما اكتشفوا بعد شوية ان بنهم اختلافات كتير
لا هو قادر يتأقلم عليها ولا هي قادرة تتغاضي عنها
1-هي هادية اوي ورومانسية وهو مبيكرهش ف حياته قد الهدوء وهدوئها دة مجننه ومش عارف يعمل معاها ايه ..
2-هي شعنونة جدا وبتتحرك كتير أوي ومجنونه ف تصرفاتها وبتناكف دة وبتكلم مع دة وتقاوح دي ودة بيضايقك أوي وبيخنقك وبتحصل مشاكل مابنكوا قد كدة لانك رافض كل اللي بتعمله دة ..ورافض كلامها لكل من هب ودب
وفي ...
وفي....
وفي ...
حاجات كتيرة اوووي ممكن تكون سبب انك تبعد عنها او تقرر انها تنفصل عنك لأنك مش فاهمها ومش قادر تجاريها ونك مختلف عنها ف حاجات كتيرة اوي وهي كمان ..
اكيد فيه حل ...
وهي اللي اتكلمت عليها ف اول كلامي ..أنك تعرف هي بتفكر ازاي وتعرفي هو بيفكر ازاي !!
تعرف البنات عموما ,هما ف الأخر ايه بنت او ست أو مرأة ..جنس واحد يعني وصفات مشتركة ودماغ مقاربه ان مكانتش واحدة وهو برضو كدة ..دماغ الولد أو الراجل فيه حاجات كتيرة متشابهه ..طبعا هو فيه فروق عن كل واحد بس الهيد لاين تقريبا واحد ..
أنت لما تعرف البنت اللي انت مرتبط بيها بتفكر ازاي ؟ بتحب ايه وبتكره ايه وايه مفتاحها هتعرف تدخلها منها ..آه مفتاحها لان كل واحد فينا مفتاح نقدر ندخله منه ..أنا وأنت وهي وهو وهما ....كلللللللللللللللل واحد ف الدنيا دي من ساعة ماربنا خلقها ليها مفتاح وليه دخله ندخله منها ..ولو لاقينا المفتاح دة هنقدر أوي نوصله ونوصل هو بيفكر ازاي وهي بتفكر ازاي !!
ربنا نفسه عمل كدة معانا ..لما كان بيبعت نبي او رسول من الرسل للناس كان بيبعته وهو معاه مفتاحهم عشان يقدر يدخلهم بيه ..موسي ربنا بعته لليهود بالسحر لأنهم كان بيحبوا السحر وكان مؤمنين بيه ودة كان مفتاحه ..والسيد المسيح كذلك ,دخل بعلاج الحالات المستعصية والمعجزات واحياء الموتي دي كانت طريقة بتجيب اوي مع مجتمع دة ساعتها ..ومحمد صلي الله عليه وسلم برضو دخل للعرب بالقرأن اللي كله بلاغة وأدب لأن اهل العرب وقتها كانوا بيعشقوا الفصاحة والشعر والادب ..
ربنا عايزنا احنا كمان نعمل زيه كدة ..اننا نعرف مفاتيح بعض نقدر بيها نقرب لبعض ونحب بعض
لو حبيبتك رومانسية او حبييبك رومانسي ليه لأ تبقي رومانسية معاه او تبقا رومانسي معاها من وقت للتاني , مش شرط علي طول زيها بس عالأقل لفترة ..حسسها يا اخي انك بتحاول تبقا رومانسي عشانها ..او شعنون عشانها ..أو لو انت مع كل الناس لسانك طويل حبتين تحاول تمسك لسانك قدامها برضو عشانها ..لأن حبيبك مبتحبش طولة اللسان ولا الكلام اياه ......ولا الشتايم ولا ولا ولا ولا ..
أعرف نفسية البنت بجد تكسبها ..
ذغزغ مشاعرها بحاجات هي بتحبها من وقت للتاني ..
أقولك زي أيه !!
لازم تعرف نفسية البنت والبنت تعرف نفسية الولد عشان يقدر يتفاهموا مع بعض ودة مش بس ف فترة الارتباط لأ دة كمان يطبق ف الخطوبة وبعد الجواز وقيس علي دة مش بس بالنسبة للبنت والولد لأ قيس علي دة مع بابانا ومامتنا وأهلنا واصحابنا وزمايلنا
الحل ...ف المفتاح
اللي بجد يعرف مفتاح اللي قدامه هيقدر يكسبه لصفه ويدخل جواه بسهولا ..لكن اللي يخبط كدة وزي ماتيجي تيجي مش هيوصل لحاجة وهيتعب ع الفاضي
صعب انك يكون عندك مفتاح واحد لكل بنت ..
المظهر مثلا ..انك تعتمد علي شياكتك او جمالك ..فيه ناس كتيرة مبتبص للشكل
الجرأة والعنف والقوة ..فيه بنات كتيرة جدا بتكره الولد اللي بيستعرض نفسه
الرومانسية ..مش كل البنات هتيجي من قصيدة كتبتها او كلام حلو بتقوله
أو الفلوس ..مش كله بيهمه المادة ونك معاك عربية وبتلبس احدث حاجة وانسيال ايه وساعة كذا ووووو
اللي ينفع مع دي مينفعش مع التانية واللي ينفع مع دة مينفعش معا غيره
مش كل الولاد بييجوا بالدلع والمياصة واللبس الضيق ولا البنطلون الساقط
مش كل الولاد هيحبوا البرفيوم بتاعك ..مش كلهم هيرتاحوا لماضك وجرأتك وضحكك العالي !!!
شوفتوا بقا ..مينفعش مفتاح واحد لكل الناس
عاوز تكسب اللي قدامك ,شوف هو بيحب ايه ؟ شوف سكته ايه ؟
شوف ينفع معاه ايه ومينفعش معاه ايه ؟
لازم تعرف كمان هو بيفكر ازاي ..عشان أي حاجة يقولهالك تبقا عارف هو قصده ايه
بدل ماكل شوية تفهم كلامه غلط ف يزعل ف يضايقك ف يبعد
افهمه واعرف مفتاح قلبه ايه
عشان متجرحوش فمشاعره بتصرف ميقبلوش منك
مشكلتي انا بقا يا سادة ...اني معايا مفاتيح لكل القلوب ومش عارف دة ميزة ولا عيب ؟؟
