ذكريات الطفوله!!

اكيد كلنا بنحن كتير لايام طفولتنا

ايام البراءه واللعب والمرح

ايام معرفناش فيها يعني ايه مسؤليه

ولا يعني ايه هموم ولا احزان

عشان كده دايما ذكريات الايام دي مبتتنساش

وبتكون من اجمل ايام العمر .. اللي مهما كبرنا وبعدنا عنها

الا انها بتفضل محفوره في القلب والعقل

وكل ما نفتكرها نقول ليت الشباب يعود يوما

بالنسبه لي ايام الطفوله كانت حافله بالذكريات

افتكر ايه ولا ايه

افتكر اد ايه كنت شقيه وبعمل كل مقلب واخوه

ولا افتكر العقوبات اللي ماما كانت محتاره فيا تعقبني ازاي

ولا افتكر ايام الحضانه والحفلات اللي كنت دايما بشارك فيها

والميس دولت اد ايه كانت بتحبني ولا الدادا عصمت اللي مكنتش بقبلها لله في لله

مش بنسي ابدا الاغاني اللي كنا بنغنيها في الحضانه

طبعا اغلبها من اغاني اعياد الطفوله

اغاني عبد المنعم مدبولي ( انا انا انا هنا هنا هنا والشمس البرتقاني عليها ليا سنه _ واغنية اش اش اش_ واغنية توت توت قطر صغنطوط )

وصفاء ابو السعود ( مع انه خشب في خشب في خشب انما يستاهل تقله دهب _ ياصحابي وصحباتي هنا ومحلك سر بصوا وشوفي حجاتي انما ايه في السرررررر _ وردي وردي وردي _ )

غير اغنية انا انا براد الشاي ايدي كده وبوزي كده اجي كده اصب الشاي

كمان اغنية نيلي كان فيه فراشه صغننه لابسه جونله مخططة

واغنية في البحر سمكة سمكة بتزؤ سمكة علي الشط واقف صياد بشبكة

ياااااه ولا فوازير عمو فؤاد وبوجي وطمطم ( بطني بتوجعني ياطمط اه يابطني حرمت يابوجي حرمت واللقمة الزايده حرمت )

كمان كان فيه برنامج اسمه بستان الزهور بتاع نجوي ابراهيم ( فتحي يازهور فتحي واصحي معايا وصحصحي )

غير الكارتون ده باه حاجه تانيه

توم اند جيري

الساحر اوز

اليس في بلاد العجائب

عبقرينو

الكابتن ماجد

مازنجر

ماوكلي في الادغال

ياااااااااه بجد كانت ايام

اه كمان فاكره زمان كان بيجي اغنية الجوز الخيل والعربيه سوق يااسطي لحد الصبحيه

كانت الاغنيه معموله كارتون بس جميله اوي

وزيها برضه ياحضرة العمده ابنك حميده حدفني بالسفنديه اهيييييه ذكريات الطفوله!! Megalol

كان الترفيه الوحيد لينا التلفزيون الاولي او التانيه

ويلاسلام باه علي يوم الخميس ده كان يوم عيد اصله اليوم المفتوح بيجي فيه فيلمين بحالهم غلبا لاسماعيل ياسين

كنت بحب يوم الخميس جدا لاننا بنطلع من المدرسه بدري عن الايام العاديه كمان بعده الجمعه اجازه دا غير اليوم المفتوح باه

كانت اقل حاجه بتسعدنا جدا سبحان الله

ولما اتطورنا اوي لعبنا اتاري . ذكريات الطفوله!! Megalol

ياااه الاتاري ده كانت ايامه ايام ذكريات الطفوله!! Fun22

ياااه انا اتكلمت كتير اوي ولو سرحت مع نفسي كمان مش هبطل كلام

كفايه عليا كده

انتو باه ايه زكريات طفولتكم .. والحاجات اللي تحبوا تفتكروها دايما

واااااااااااااااااو
رجعتينيني لاياام زمااان اجمل ايام فعلااا لا مسوووله ولا مشاكل ولا هم

حتي الناس طيبين اوووي

بحب افتكر اصحابنا من زمااان كانت ايام حلووووة معاااهم
وبفتكر ماما لما كانت بدلعني وبنخرج للحديقه
الله ايااام روووعه ياريت ترجع

زائر

احلي ذكريات اكيد

يسلموا ياقمر

ذكريات الطفولة دي احلى ذكريات
بتمنى ترجع تاني
سواء مع اهلي او صحابي
وخاصة بقة اصحاب الطفولة دول حاجة متتنساش ابدا
على فكرة وانا صغيرة كنت شقية اوي بس الحمد لله عقلت

مرسي يا قمر على الموضوع